Кәмелетке толмаған ұры ұсталды

Тараз қаласының полиция қызметкерлері 17 жастағы қарақшы жігітті ұстады, - деп хабарлайды Bugin.kz платформасы Polisia.kz-ке сілтеме жасап.

  Медиа орталықтың хабарлауынша 22 жастағы Тараз қаласының тұрғыны полицияға 2020 жылдың 21 қарашасында арыз жазған. Белгісіз жігіттің күш қолданып «Sаmsung  A11» ұялы телефонын ұрлап алғанын айтқан.

 Жедел іздестіру шараларының нәтижесінде полиция қызметкерлері өз кінәсін мойындаған 17 жасар баланы ұстаған.  Күдіктіге қатысты ҚР ҚК-нің 1-бөлімінің «Тонау» 191-бабы бойынша сотқа дейінгі тергеу басталды.