Алматыда 10 сантиметр қар жауды

Алматыда 10 сантиметр қар түсті. Бұл туралы Bugin.kz платформасы қала әкімдігінің баспасөз қызметіне сілтеме жасап.

Қар бүгін сағат 04.30-да жауа бастаған. Сағат 9-дағы жағдай бойынша, 10 сантиметр қар түскен.

"Көктайғақтың алдын алу мақсатында қар жауа бастаған сәттен бастап жолдарға, жол қиылыстарына, көлік жолайрықтарына оған қарсы қоспа себілді. Тайғаққа қарсы 2650 метр қоспа жұмсалды. Жаяу жүргіншілер жүретін жерлерді, қоғамдық көлік аялдамаларын, көлік қоятын аумақтарды, жол өткелдерін, саябақтарды тазалау бойынша жұмыстар жүргізіліп жатыр", - деді әкімдік өкілдері.

Қазгидромет мамандарының болжамынша, бүгін күндіз ауа температурасы -2 градус шамасында болады.