Елбасы кітапханасының директоры қызметтен кетті

Мемлекет басшысының өкімімен Әмірхан Мұратбекұлы Рахымжанов "ҚР Тұңғыш Президенті – Елбасының кітапханасы" мемлекеттік мекемесінің директоры қызметінен босатылды. ​​​​Бұл туралы Bugin.kz платформасы Ақорда сайтына сілтеп хабарлайды.

Әмірхан Рахымжанов 1960 жылы ШҚО, Үржар ауданында дүниеге келген. Семей педагогикалық институтын тарих және қоғамтану пәнінің оқытушысы мамандығы бойынша, Қазақ қаржы-экономикалық институтын экономист-менеджер мамандығы бойынша бітірген. Тарих ғылымдарының кандидаты, саяси ғылым докторы, профессор.

Әмірхан Рахымжанов бұл қызметке 2019 жылы наурызда тағайындалған еді. Ал оған дейін ҚР Парламенті мәжілісінің депутаты болған.