Қазақстанда жыныстық қылмыстар үшін жауапкершілік күшейтілді

Мемлекет басшысының Қазақстан халқына Жолдауындағы тапсырмасын іске асыру аясында 11 қаңтардан бастап кәмелетке толмағандарға қатысты жыныстық қылмыстар үшін жауапкершілік күшейтілді.

Polisia.kz мәліметінше, кәмелетке толмаған баланы зорлағаны үшін жазаның төменгі шегі – 15 жылдан 17 жылға дейін бас бостандығынан айыру. 

Өгей әкесі, мұғалімі немесе басқа тәрбиешісі тарапынан зорлық бұрынғы 12-17 жылдың орнына 17 жылдан 20 жылға дейін күшейтілген.

Абайсызда жәбірленушінің өліміне әкеп соққан зорлау бұрын 17 жылдан 20 жылға дейін болса, енді 20 жылға дейін немесе өмір бойына бас бостандығынан айыруға әкеп соғады.