COVID-19: 1 күнде 1500 адам жұқтырды

2021 жылдың 21 қаңтарындағы нәтиже бойынша елімізде 1430 адамда коронавирус анықталған. 96 адам коронавирус пневмониясына шалдыққан. Бұл туралы Bugin.kz платформасы хабарлайды.

Өткен тәулікте 13 адам өлімі тіркелген: 11 науқас-коронавирустан, 2 адам коронавирус пневмониясынан қайтыс болған.

Денсаулық сақтау министрлігінің мәліметінше, Қазақстанда наурыз айынан бері 173 412 адамның ПТР тесті оң шыққан. 157 мыңнан астамы жазылған. 2 457 адам коронавирус қайтыс болған.

Қазір 25 469 адам коронавирустан емделіп жатыр. Джонс Хопкинс университетінің мәліметінше, әлемде Covid-ке шалдыққан адам саны 97,4 миллионнан асты. 2 млн 88 мыңнан астам науқас қайтыс болды. 53,6 миллионннан астамы аурудан жазылған.