10 адамның байлығы бүкіл әлемге жетеді

Коронавирустық пандемия кезінде ең бай 10 адамның жалпы байлығы 540 миллиард долларға өсті. Бұл сомма әлемдегі барлық адамды кедейліктен сақтап қала алады. Одан бөлек бүкіл әлем халқына вакцина салдыруға жетеді. Бұл туралы Bugin.kz платформасы BBC-ге сілтеп хабарлайды.

Миллиардерлердің байлығы 2020 жылдың 18 наурызынан 31 желтоқсанына дейін 3,9 трлн долларға өсті. Қазір 11,95 трлн долларды құрайды. Бұл сомма барлық G20 елдерінің пандемиямен күресуге жұмсайтын шығындарына тең.

Ең бай адамдардың ондығына дәстүрлі түрде Илон Маск, Джефф Безос, Марк Цукерберг кіреді. Өткен айда Джефф Безостың бұрынғы әйелі Маккензи Скотт төрт ай бойы азық-түлік банктері мен төтенше көмек қорларына 4 миллиард доллардан астам қаражат бөлгені белгілі болды.

2020 жылдың сәуірінде Twitter негізін қалаушы Джек Дорси пандемиямен күресу қорына 1 миллиард доллар аударды . Бұл оның меншікті капиталының төрттен бір бөлігін құрайды.

Билл Гейтс пен оның әйелі Мелинда қайырымдылық қоры арқылы вакцинацияға, емделуге және диагноз қоюға 305 миллион доллар бөлді. Гарри Поттер кітабының авторы Джоан Роулинг пандемия кезінде үйсіз адамдар мен тұрмыстық зорлық-зомбылықтан зардап шеккендерге көмектесу үшін 1 миллион фунт стерлинг берді.