30 жылдықта түрмедегілерге рақымшылық жасалсын

ҚР Ішкі істер министрлігі "Қазақстан Республикасы Тәуелсіздігінің 30 жылдығына орай рақымшылық жасау туралы" заң жобасын дайындады. Бұл туралы Bugin.kz платформасы хабарлайды.

Заң жобасы Қазақстан Республикасы Тәуелсіздігінің 30 жылдығына арналған. Бұл жоба халық пен мемлекет қауіпсіздігіне үлкен қатер төндірмейтін қылмыс бойынша сотталған адамдарды жазадан босатуды көздейді.

Сондай-ақ, жаза мерзімі қысқартылатын сотталушылардың санаттары анықталды.            

Аталған заң жобасын қабылдау келесі құқықтық және әлеуметтік-экономикалық нәтижеге әкеледі:

- 3-4 мыңға жуық сотталушыны босату;

- қылмыстық істерді және осы Заң жобасы күшіне енгенге дейін қылмыстар бойынша соттар қарап үлгермеген істерді тоқтату;

- шағын және орта ауырлықтағы қылмыстар үшін жауапкершілік;

- сотталушылардың жекелеген санаттары үшін жазаның өтелмеген бөлігін азайту.