Алматыда қанша медицина қызметкеріне вакцина салынды?

Алматыда қанша медицина қызметкері коронавирусқа қарсы вакцина салдырғаны белгілі болды. Бұл туралы Bugin.kz платформасы хабарлайды.

Қоғамдық денсаулық сақтау басқармасының мәліметінше, 1 ақпанда 360 медицина қызметкері вакцина салдырған. 

"Бүгінде вакцина салдырған медицина қызметкерінің саны - 540. Күннің соңына дейін вакцина салдырғандар саны артады", - деді басқарманың ресми өкілі Татьяна Лисицкая.

Ведомство мәліметінше, медицина қызметкерлеріне ай соңына дейін вакцина салынады. Оның ішінде:

• жұқпалы аурулар ауруханасының;
• жедел жәрдем;
• реанимация;
• қабылдау бөлмесі;
• санэпидқызмет қызметкерлері.