Cанатыңды көтер, ұстаз!

Біраз жылдар бойы бала тәрбиесімен үйде отырған Баян Асқарқызына "білімімді дамыта алмай, бір деңгейде қалып қоямын ба" деген қорқыныш маза бермеген. Бірақ ол өз қорқынышын жеңіп, отбасымен қатар, бірнеше жоғары оқу орнында білім алуды жалғастыра берді.

Кездескен қиындық пен кедергілерден ол өзін қамшылап, тырысып алып шыққан. Нәтижесінде қазір қолында. 3 дипломның, магистратура, докторантура дипломдарының иесі. Авторлық жобалар, ғылыми зерттеулер, тәжірибе тағлымдамамен ұштастырылған терең білім, бастысы білімін ақшаға айналдырған инфобизнес иесі.

Баян Мұсаева - Қазақстан ұстаздардың біліктілігін арттыратын "Ерекше методика" авторы. Англия мемлекетінің Лондон, Бристоль, Борнмут қалаларында тәжірибе жинап, ағылшын тілін жетік меңгергендігі арқасында Еуропаның Франция, Италия, Испания мемлекеттерінде тәжірибе алмасудан өткен. 

Ол өзінің ерекше методикасымен ағылшын тілін үйрететін оқу орталығын ашып, табысты жұмыс жасап отыр. "Brightway" атты оқу орталығы Алматы қаласында жақсы таныс.

Польша елінде "маман алмастыру" бағдарламасы бойынша білім алып, 2019 жылы Түркияның Анкара қаласында медиа сауаттылық тақырыптарында зерттеулер жүргізген. Осы зерттеулер негізінде ұстаздардың біліктілігін артыру тақырыптарында шетелдік ғалымдармен бірлесіп, халықаралық ғылыми журналдарға мақала жариялаған.

2019 жылы Халықаралық "Қазақ ханымы" байқауында І орынды иеленген Баян ханым өзінің жылдар бойы жинақтаған білімі мен тәжірибесін бүгінде еліміздің түкпір-түкпіріндегі ұстаздарға үйретіп жүр.

Бір қызығы, пандемия басталмай жатып-ақ, ол өз курстарын онлайн өткізуді қолға алған. "Әр ұстаз – бренд болуға лайықты" деп санайтын Баян Мұсаеваның курстарын оқыған ұстаздар нәтижелі жетістіктерге жеткен.

Ұстаздарға өз білімдерін жетілдіріп, өз әлеуетерін пайдаланып, табыс табуға баулитын мұндай курстар жоғары сұранысқа ие.