"Ақжайық" жеңіске жетті

Командалар санының көбеюіне орай Қазақстан Республикасының Премьер лигасына жолдама алған Оралдың "Ақжайығы" Түркияда оқу-жаттығу жиынын өткізіп жатыр.

Оқу жаттығу жиыны барысында кезекті бақылау ойынын өткізген Ақжайық Өзбекстанның жоғары лигасында өнер көрсеткен Навбахор командасынан басым түсті. Ойынның қорытынды есебі 3-2. Ақжайық сапында қарсылас қақпасына қаралымда жүрген ойыншылар гол соқты. 

Осыған дейін 3 бақылау ойынын өткізген оралдықтар үшеуінде де жеңіліске ұшыраған болатын.