Қазақстан жаңалықтары

Кент тұрғындары үйсіз қалған отбасына баспана сыйлады

Қызылорда облысы Арал ауданына қарасты Сексеуіл кентінде 23 қаңтар жер үйден өрт шыққан. Үйі түгелдей жанып кеткен отбасыға кент тұрғындары қаржы жинап 10 ақпанда жаңа үй сыйлады.

Авторларды қолдау орталығы

mediabugin@gmail.com

Кенттегі «Жастар бірлестігінің» төрағасы Бахтияр Ізбасаров пен «Жастолқын ерікті жастар» төрағасы Берік Берімбаевтың ұйымдастыруымен 23 қаңтар мен 10 ақпан аралығында халықтан қаржы жиналды.

Осы орайда атсалысқан «Жастолқын ерікті жастар»ұйымының төрағасы Берік Берімбаевпен сұхбаттастық.

Өрт болған уақыттан кейін қанша уақыт өткен соң қаржы жинауға кірістіңіз?

Қаржы жинау қаңтардың 24 күні басталды.Қаржы Kaspi Bank, Halyk Bank және қолма-қол 3 жақтап жиналды.

Қаражат жинау барысында белгілі бір қиындықтар болған жоқпа?

Қаңтардың 23 күні әлуметтік желіде өртенген үйдің иесінің шот номерін таратып жібергендер болды.Бірақ үй иесі және отбасының бұл істен хабарсыз болғандықтан,дереу реттедік.Және сол күні рұхсатсыз ашылған шот номерлер пайда болды.Дегенмен бәрін уақытылы реттеп отырдық.

Кент тұрғындарынан басқа жақын маңдағы жерлерден жас блогерлері шот ашып,қаражат жинауға көмектесті деген қаншалықты рас?

Иә, Арал қаласынан «Теңіз көмек» қайырымдылық қоры және Айдана есімді блогер бізден рұхсат алып бір күннің ішінде 600 мыңға жуық қаражат жинап берді.

Жаңа үйді табыстаудың тездетілуіне кент тұрғындарынан бөлек әкімшілік пен кәсіпкерлерден көмек болды ма?

Әрине болды.Кентіміздің әкімі Сәкен Төрешов мырза,Облыстық маслихат депутаты Еркебұлан Аяғанов,кәсіпкер Махамбет Таукеев өрт болған күннен басы қасында жүріп,уақытша тұрақтаған үйлерінің отыны мен тұрмыстық заттарын алып беруге ат салысты.

Жаңа үйді табыстау қалай өтті?

Жаңа үйді табыстау өте сәтті өтті,халық берген көмектің арқасында үй сатып алып берілді.Өрт болған кезде өртеніп кеткен барлық құжатта қайта қалпына келтірілді.Дәл кәзіргі сәтте барлық құжаттар түгел.Жаңа үйді рәсімдепте бердік.

Алдағы уақытта кенттің мұхтаж жандарына әліде көмек береміз деген ойдамын.