Америкалық әйел телесериалды көргеннен кейін дінін өзгертті

АҚШ-тағы Висконсин штатының тұрғыны ислам дінін қабылдауға түріктің тарихи сериалынан шабыт алды, деп хабарлайды Anadolu.

Сериал әйелді қатты таңдандырғаны соншалық, ол Осман мемлекетінің тарихы мен ислам дінінің негіздеріне қызығушылық таныта бастады. Бейбітшілік, әділеттілік, азап шеккендерге көмек сияқты ұғымдарды мұқият зерттеді. Кейін Висконсиннің тұрғыны 60 жасында исламды қабылдап, есімін Хадиша деп өзгертті.

«Мен телесериалды көре бастадым, маған бірінші бөлімнен бастап қатты әсер етті. Сөйтіп киноны зерттей бастадым. Ең жақын мешіт қайда деп сұрадым. Мешітке кіргенімде маған сенушілер қатты таң қалған сияқты көрінді. Сол күні, намаздан кейін мен исламды қабылдадым», - дейді Хадиша.

Ол бірінші мүмкіндікте Түркияға сапарлап, мұражайларды, тарихи орындарды және белгілі тұлғалардың кесенелерін аралауды жоспарлап отыр. Исламды қабылдағаннан кейін оның өмірі әлдеқайда жақсарып, тынышталды.

«Менде бұрын мазасыздық проблемалары болған, бірақ мен енді дәрі ішпеймін. Күн сайын таңертең Аллаға жаңа күн үшін және денсаулығында қиындықтардың болмағаны үшін алғыс айтамын», - деді Хадиша.

Керімсал Жұбатқанов,

Қазақ-Орыс халықаралық университетінің доценті, тарих ғылымдарының кандидаты