Қасым-Жомарт Тоқаевтың Clubhouse-тағы парақшасы өзінікі емес

ҚР Президентінің баспасөз хатшысы Берік Уәли Clubhouse әлеуметтік желісіндегі аккаунтына қатысты ақпаратқа жауап берді. Оның айтуынша, әлдебіреу президенттің атынан өтірік парақша алып алған екен. 

"Clubhouse әлеуметтік желісінде Қазақстан Президентінің атымен байланысты бірқатар жалған аккаунт пайда болды. Қасым-Жомарт Тоқаевтың бұл платформаға тіркелмегенін ресми түрде хабарлаймын. Мемлекет басшысының Twitter-де @TokayevKZ және Instagram-да @Tokayev_Online деген екі ғана аккаунты бар екенін тағы да ескерткім келеді», - деп жазды Уәли Facebook-те.