Тоқаев отандық БАҚ туралы: Сапаға мән беру қажет

Мемлекет басшысы Ұлттық қоғамдық сенім кеңесінің мүшелері Рахым Ошақбаев пен Қанат Сахарияновпен кездесу өткізді. Бұл туралы Bugin.kz платформасы Ақордаға сілтеп хабарлайды.

"Талап" зерттеу орталығының басшысы Рахым Ошақбаев орталық қызметі туралы баяндады. Сонымен қатар "ми орталықтарын" дамыту жөніндегі ұсыныстарымен бөлісті.

Atameken Business телеарнасының бас директоры Қанат Сахарияновпен әңгімелесу барысында қазақстандық БАҚ-ты дамыту туралы сөз қозғалды. Мемлекет басшысы отандық масс-медианы қолдайтынын айтты. Қасым-Жомарт Тоқаев қазақ тілді БАҚ-тың бәсекеге қабілетін күшейтіп, сапаға мән беруін сұрады.