Әлемде алғаш рет биоотынмен жүретін пойыз құрастырылды

Дизель отынынан бас тарту бағдарламасы аясында Ұлыбританиядағы пойыздарды биогазбен жүретін пойыздарға ауыстыру жоспарланып отыр. Осы жоспар негізінде ағылшынның Ultra Light Rail Partners компаниясы BioUltra деп аталатын биогазбен жүретін экологиялық таза пойыз жасап шығарды.Бұл туралы Bugin.kz платформасы Massaget.kz сайтына сілтеме жасап хабарлайды.

2020 жылдың жазында Ultra Light Rail Partners компаниясы инновациялық вагондардың алғашқы сынақтарын өткізді. Ұзындығы 20 метрлік жаңа пойыз 120 жолаушыны тасымалдай алады және сағатына 80 км жылдамдықпен жүре алады. Пойыз тамақ қалдығынан қуат алады.

Мұндай  пойыздар үлкен жолаушылар мен жүк пойыздарын жақын арада алмастыра алмайды. Бірақ қала сыртындағы электр пойыздары мен қалалық трамвайлардың орнын баса алады. Көптеген елдерде «тастанды» теміржолдар бар және олар электрлендірілмеген. Бұл жолда  жанармаймен қозғалатын шағын пойыздар жүреді. BioUltra осындай жерлерге қолайлы.

Пойыз иісі жоқ биометан газымен қозғалады. Пойыздың салмағы небәрі 20 тонна және дизель баламаларынан екі есе жеңіл. BioUltra-ның бұл жеңіл дизайны рельстердің тез тозуына жол бермей, техникалық қызмет көрсету шығындарын азайтады.

"Біз Ұлыбританияда алғашқы биометан пойызын жасау жобасын сәтті аяқтағанымызға және Innovate UK екінші грантын алғанымызға қуаныштымыз. Бұл ыңғайлы, заманауи, сенімді және қауіпсіз теміржол тасымалына бағытталған бизнесте көрсетілген зор сенім. Біз болашақта Ұлыбританиядағы үлкенді-кішілі қалаларға өз пойызымызды ұсынамыз. Бұл пойыз қоршаған ортаға зиян тигізетін басқа қоғамдық көліктердің орнын басады", - дейді BioUltra жобасының менеджері Беверли Нильсен.

BioUltra пойызының жанармай багының сыйымдылығы 3200 шақырым арналған. Адам қалдығымен жүретін жаңа пойызды дамытудың болашағы айқын – Ұлыбритания үкіметі шағын қалаларды ұлттық теміржол жүйесіне қосу үшін 650 миллион доллар бөлді.

Сондай-ақ, әр вагонда вирусқа қарсы функция – ультрафиолет сәулелері, антисептиктер және медициналық маскалар орнатылған.