Түрмеден босап шыққан Гаухар Әлімбекова халықтан кешірім сұрады

Жақында белгілі әнші Гаухар Әлімбековаға алаяқтық жасады деген айып тағылып, алты жылға бас бостандығынан айырылып, қолхатпен түрмеден босап шықты. Ол халыққа дәл уақытында алғыс айта алмағаны үшін Instagram парақшасында кешірім сұрады.   

«Мен сіздерден біріншіден кешірім сұраймын. Келе сала сіздерге алғысымды білдіріп, сәлем жолдауым керек еді. Бірақ суық жерден келген соң, мазам болмай жатып қалдым, қазір ғана есімді жинап жатырмын", - деп әнші көзіне жас алды.

Гауһар Әлімбекова жанашыр жандардың қолдауымен жағдайының жақсарғанын айтты. Оның айтуынша, негізгі шешім аппеляциялық сот кезінде белгілі болады.

Ол сонымен қатар, БАҚ өкілдеріне, Мақпал Жүнісова, Майра Ілиясова, Ләйлә Сұлтанқызы, барша өнердегі әріптестері мен қазақ халқына ерекше алғысын айтты.

Еске салсақ, Гаухар Әлімбекова сот үкімі күшіне енгенге дейін үй қамақта болады.