Үкіметтік емес ұйымдарға арналған 7 коммуникация құралы

Коммерциялық емес ұйым үшін дұрыс коммуникациялық стратегия құрып, мүдделі топтармен қарым-қатынас жасаудың дұрыс жолын таба алуы аса маңызды. Осыған орай, негізгі үш факторға тоқтала кеткен жөн:

1. КЕҰ коммуникациялық стратегиясы компанияның спецификасына, оның шешетін мәселелеріне, ұйымдастыру формасына және жұмыс көлеміне тікелей байланысты.

2. КЕҰ экономикалық мүмкіндіктерін ескеруіміз керек. Компанияның көбі қаражатың басым бөлігін әлеуметтік жобаларға жұмсайтындықтан, бюджеті шектеулі болады. Ақылы медиа қызметтер мен диджитал-платформаға ақша бөлмейді.

3. КЕҰ коммуникациялық стратегиясын анықтауда ұйымның миссиясы мен алға қойған міндеттерін анықтау маңызды. Іс-шаралар мен әрекеттер бір бағытта жүргізілуі керек.

КЕҰ арналған эффективті базалық құралдарды ұсынамыз:

1. Баспасөз хатшысы: Ең ұтымдысы – ұйымның барлық тыныс-тіршілігімен таныс адамның болғаны. Ресми өкіл/ баспасөз хатшысы / PR менеджері КЕҰ-ның маңызды құрамы болып табылады. Сонымен қатар ол сұхбат беріп, маңызды оқиғалар мен жағдайларға байланысты түсіндіріп, дереккөзді алуға толық құқылы болуы керек. Бастысы – ұйымның алға жетелейтін философиясының фанаты және жобалар туралы құлшына баяндай алуы қажет.
2. Сарапшы: Өз ісіңіздің маманы екеніңізге кепіл болыңыз. Жаңалықтар туындаған сайын БАҚ өкілдері сізді сарапшы ретінде тануы керек. Ұйымның атынан авторлық мақалалар жарияланған сайын медиа саласында өз мәселеңізді көтере аласыз.
3. Атаулы күн: Әдетте халықаралық ұйым немесе мемлекет белгілейтін Дүниежүзілік балаларды қорғау немесе қоршаған ортаны қорғау күндері.
4. Коммуникацияны нығайту үшін ұйым тематикасымен ұштасатын мерекелер тізімін жасау керек. Актуалды тақырыпты таңдап жасалған жоба имиджіңізді көретуге көмектеседі.
5. Зерттеу/есеп беру: Жасалған анализ, зерттеу мен есеп беру – журналистерге қажет тақырып. Мұндай материалдар КЕҰ ұйымымен біріге жұмыс істейтін топтардың жағдайын немесе мәселелерді дәлелдеуі керек. Нақты статистика немесе жаңалықтар әрқашан бұқаралық ақпарат құралдарының қызығушылығын тудырады.
6. Амбассадор: БАҚ немесе әлеуметтік желіде сіздің ұйымыңызды қолдайтын медиатұлға, пікір білдірушілер сіздің беделіңізге оң әсер етеді. Бұл адам сіздің ұйымыздың жобасы, мақсаты мен мәні туралы бәрінен хабардар болу, көпшілікке қандай мессендж тарататынын білуі маңызды.
7. Іс-шаралар: Бұл керек қаражат көлемін жинауға немесе білгілі бір мәселені көтеру үшін жақсы құрал. Мұнда жоғарыда аталған тармақтар маңызды: актуалды жаңалық, сарапшы, медиатұлғалар, қызықты деректердің болуы.
8. Ақпараттық кампания: Маңызды тақырыпты көтеру мен талқылау үшін мықты құралдарының бірі. Көбіне пікірлестерінің санын арттылуға немесе негізгі адиторияны көбейтуге арнайы бейнеролик, акция, көпшілікке деген іс-шаралар арқылы жүргізіледі. Жай ғана ақпарат беріп қана қоймай, жобаларды іске асыру үшін де қолдануға болады.

Максималды нәтиже беру үшін ұйым аталған барлық құралдарды мейілінше біріктіре қолданған жөн.

Айқын мысал ретінде Үндістанның «Sonrisas de Bombay» КЕҰ-ның жобасын айтуға болады. Олар Дүниежүзілік адам саудасына қарсы күніне орай стратегия құрған. Мумбай маңындағы болған адам саудасы туралы шынайы оқиғаларды жарыққа шығарып, бұқаралық ақпарат құралдарының қызығушылығын тудырды.

Бұл мақсатқа жету үшін ұйым мынадай кешенді қадамға барған:

1) Sonrisas de Bombay-дың негізін қалаушысы өз тәжірибесімен бөліскен авторлық мақала жазды;

2) Мумбайда түсірілген жәбірленушінің өзі түсірген видео-баяндау дайындап, ғаламторда таратты;

3) Әлемді шулатқан адам саудасына қатысты баспасөз-релиз дайындады.

Жоба нәтижесінде оқиға тек Үндістанмен шектелмей, мәселе туралы әлемнің хабардар болды. Кампания SABER Awards 2020-да КЕҰ арасындағы PR санатындағы марапатқа ұсынылды.

Байқағаныңыздай, ұйымның құндылықтар мен мақсаттарын сақтай отыра бұл құралдармен толағай табыстарға жетуге болады.

Мирас Иргебаевтың лекциясынан аударылды