Bugin
Елімізде тағы қаржы пирамидасы ұйымдастырылып азаматтар 70 млн теңгеге алданды
Ақмолада полиция қызметкерлері WhatsApp желісі арқылы қаржылық пирамиданы құрған 48 жастағы әйелді ұстады. Бұл туралы Bugin.kz патформасы Polisia.kz сайтына сілтеме жасап хабарлайды.
Жедел-іздестіру іс-шарасы барысында Көкшетау қаласының 48 жастағы тұрғыны ақша табу мақсатында 2021 жылы WhatsApp мессенджері арқылы пирамида құрғаны анықталды. Пирамидаға Ақтау, Жаңаөзен, Нұр-Сұлтан, Павлодар қалаларынан 20-ға жуық адам алданып қалған. Жалпы 70 млн теңгенің шығыны анықталды.
Сондай-ақ, 2021 жылдың 1 наурызында Көкшетау қаласының 65 жастағы тұрғыны ғаламтордағы алаяқтыққа тап болып 60 мың теңгесінен айырылып қалғаны жайлы шағымданып арыз жазған. Нәтижесінде, ҚР ҚК-нің 190-бабының 2-бөліміндегі алаяқтық ісі бойынша сотқа дейінгі тергеу басталды.