Мұғалімдер енді мемлекеттік мектептерге конкурcтық негізде қабылданады

Бірінші түзету мемлекеттік білім беру ұйымдарына мұғалімдерді конкурстық негізде қабылдауды енгізу жайлы болмақ. Бұл туралы Bugin.kz платформасы zakon.kz сайтына сілтеме жасап хабарлайды.

Оның айтуынша, қазір мектеп директоры мұғалімді жұмысқа алу туралы шешімді қабылдаған кезде практика ұмыт қалады.

• «Теріс факторларды болдырмау үшін ендігі мезетте анық және біріңғай конкурстық іріктеу жүйесі қабылданады. Ережеде нақты іріктеу талаптары, конкурстың өту процедуралары белгіленеді және процестің өзі цифрлық технологияның көмегімен автоматтандырылады.Сонымен қатар бұл шара сыбайлас жемқорлықтың орын алу қаупін төмендетеді», - деп жазды ол өзінің Facebook парақшасында.

Екінші түзету мемлекеттік білім беру ұйымдары басшыларының ротация институтына қатысты.

Аймағамбетов басшылардың орындарында көп жылдар бойы отырғандығының өз плюстары мен минустары бар екендігін айтып түсіндірді.

• «Бізде мемлекеттік білім беру ұйымдарының басшылары өте көп, олармен мерзімсіз еңбек келісім-шарты жасалған. Әрине, өз жұмысына берілген және қолынан келгеннің бәрін істейтін мықты басшылар көп. Олар ұзақ жылдар бойы еңбек етіп, тиімділігін жоғалтпауы мүмкін, бірақ ондай мамандар кемде кем. Алайда, ешкім кәсіби жанып кетуді, ынта-ықыластың жоқтығын және басқа қызметкерлердің мансап сатысында көтерілуге деген құлшынысын жоя алмайды. Енді енгізіліп отырған ротация, мысалы, үздік тәжірибені басқа ұйымдарға беруге мүмкіндік береді. Әрине, бұл жағдайда директорларды ротациялау процедуралары мен шарттары нақты реттелетін болады», - деп атап өтті Білім министрі.

Оның айтуынша, ротацияны министрлік әзірлеген ережелерге сәйкес білім бөлімдері жүргізеді, онда барлық мәселелер ескеріледі.