"10 наурызға дейін гүлге жақындауға болмайды": Желіде кезекті жалған ақпарат тарады

Қазақстандықтар денсаулық сақтау министрі Алексей Цойдың 10 наурызға дейін гүлге жақындауға болмайтыны туралы айтқан видеосын таратып жатыр. Желіде тарап жатқан кадрларға сүйенсек, министр Алексей Цой коронавирустың гүлдер арқылы жұғатынын, сол себепті 10 наурызға дейін гүлдерге жақындауға, оларды сатып алуға және иіскеуге тыйым салынатынын айтқан. Басылымның жазуынша, ролик министр теледидарда сөз сөйлеген кезде түсіріліп, дауысы монтажбен қойылған.
Видеода COVID-19 жұқтырудың жаңа әдісі туралы айтқан дауыстың Алексей Цойдікі емесі анық естіледі. Осы ретте еліміздің денсаулық сақтау министрлігі хабарламаны жоққа шығарды. «Денсаулық сақтау министрлігі бұл ақпарат шындыққа жанаспайтынын ресми түрде хабарлайды. Бұл видео жалған екенін мәлімдейміз» , — делінген ведомствоның хабарламасында .