Франция Еуроодақтан шыққысы келеді

Франция елі Еуроодақтан шығуы мүмкін. Өйткені одақтың масыл елдері экономикасы дамыған мемлекеттерге тұсау болып отыр. Бұл жайлы Le Figaro басылымы жазды.

Басылым тілшісі Лоран Эрбленің жазуынша, COVID-19 пандемиясының кесірінен Еуроодақ елдерінің экономикасы құлдырап кетті. Ал бұған кінәлі – одақ басшылығы.

"Еуроодақ басшылығы мүше елдердің экономикасын қолдағысы келмейді. АҚШ үкіметі экономиканы қолдауға 5 трлн доллар қаржы бөлді. Ал Еуроодақ басшылығы 300 млрд еуро ғана бөлді. Бұл жетпейді", - деп жазады автор.

Оның айтуынша, Еуроодақтан шыққан Ұлыбританияның экономикасы қазір тәуелсіз.

"Бұл – Еуроодақтан шығудың пайдалы екенін көрсететін нағыз мысал. Францияның одақтан шығуын қалағандарға бұл да бір себеп болды. Франция шынымен де одақтан шығып кетуі мүмкін", - деп жазады журналист.