Ринат Зайытовқа қару кезенгендер кімдер?

Белгілі айтыскер-ақын Ринат Зайытов  "Ең алғашқы" бағдарламасында бұрын соңды айтпаған құпияларымен бөлісті, деп хабарлайды Bugin.kz платформасы. 

Зайытов берген сұхбатында жаңа жұмысы туралы, өткен өміріндегі естеліктері, алғашқы махаббаты жайында да әңгіме қозғады. Журналист Аман Тасыған сұхбат барысында мынадай қызық сұрақ қойды:

- Үйге келіп немесе көшеде ұстап алып сізге қару тақаған кездер болды ма?!

 Болды. Өз басым бірінші рет қару тақағанда қорықтым. Көшеде кафеде болған оқиға еді. Балалармен сөзге келіспей қалдық, олар басқа ұлттың балалары еді. Сол кезде бірінші рет пистолет көрдім. Қасымдағы балалар жан-жаққа шығып кетті. Маған тақап тұрған еді. Айттым "ат" деп. Енді одан кейін талай оқиға болды ондай.

Бір досым мені атып ала жаздаған. 2007-2008 жылдары болу керек ол кезде менің мылтықтарым тіркелген, сейфі бар болатын. Үйге келген қонақтарыма көрсетемін ғой енді. Бір аңшылықтан келген кезім, келдім де қоя салдым таңға жуық келген болармын.

Бір күні Мақсат ақын келді үйге. Сол кезде көрсетіп жатыр едім мылтықтарды, бір кезде ол маңдайыма тақады да атты оқ атылмады. Мынау істемейді ғой деп бір жерін тартып қалып еді оқ атылып кетті үйде.

Сонда ол оқтаулы қалып қойған. Бірақ менің маңдайыма тақалып тұрған сол оқ маған атылмаған. Құдай сақтап қалды мені сол кезде.

Және ол жағдай алғашқы рет емес, соңғы рет емес менде. Бірақ жаңағы Мақсат досыммен болған жағдайда қатты терледім, өз үйіңде бала-шағаңның қасында өз досың атып тастаса, бұл бүкіл нәрсенің ойран болғаны ғой.

Сол кезде Аллаға шүкір дедім, мені солай сақтағанына. 

Еске сала кетейік, Ринат Зайытов Алматыдағы "Алатау" дәстүрлі өнер театрының директоры болып тағайындалған болатын.

Дереккөз: Nege.kz