Патшайымының жары Филипп ханзада қайтыс болды

Бүгін ағылшын патшайымы II Елизаветаның жары Филипп ханзада 99 жасында қайтыс болды деп хабарлайды Bugin.kz платформасы.

2021 жылдың ақпанында ол VII Эдвард патшаның ауруханасына жатқызылған еді. Онда ханзаданың жүрегіне ота жасалды әрі инфекциядан емделген. Ал бір айдан соң денсаулығы жақсарып, ауруханадан шыққан.

Филипп ханзада мен II Елизавета 73 жыл ерлі-зайыпты болды. Филипп патшайым үшін барлық атағынан бас тартты, оған қоса британ азаматтығын және англиканизмді қабылдады. Екеуінің 4 баласы, 8 немересі және 8 шөбересі бар. Көпшілік үшін бұл жұп Британия символына айналған.