Тағы да қыз жоғалды

Балқаш қаласында жоғалған 15 жастағы жасөспірім қыз Алматыдан табылды. Бұл туралы Bugin.kz платформасы 24kz-ке сілтеп хабарлайды. 

10 сәуірде Қарағанды облысы Балқаш қаласының полиция бөлімінен 35 жастағы қала тұрғыны көмек сұраған. Әйел 15 жастағы қызының жоғалып кеткенін айтқан. Қыз үйден шығып, оралмаған. 

«11 сәуірде облыстық ПД криминалдық полиция басқармасының қызметкерлері алматылық әріптестерімен бірге жоғалған қыздың Алматыда тұрған жерін анықтады. Жасөспірімді Алматы қаласының кәмелетке толмағандарды бейімдеу орталығына орналастырды және ол туралы ата-анасына хабар берілді», - деді Қарағанды облысы ПД баспасөз қызметі.