Ақпараттың көптігі ауыр дерт болуы мүмкін

Қажетті, қажетсіз көптеген ақпаратты мобильдық құралдар арқылы қабылдап отырамыз. Бірақ, сол ақпаратты қажеттіліктен тыс мөлшерде қабылдау адам концентрациясын бұзады екен. Яғни адамдар ненің маңызды, ненің маңызды емес екенін айыру қабілетінен айырыла бастайды. Сол себептен, йога, медитация секілді заманауи спорт түрлері елімізде көбейіп келеді. Одан бөлек, бүгін концентрацияны жақсартуға арналған жаттығу түрі жайлы оқыдым. Ол үшін телефон, теледидар, басқа да гаджеттерді сөндіріп, ешқандай музыка қоспай, үйде немесе кабинетте бір нүктеге қарап, басты ойлардан босатып, 20 минут отыру керек екен. Бұл жаттығуды күніне бір рет жасап тұрған абзал. Секунд сайын смартфонның түймешесін басып отыратын адамдарға да өте пайдалы екен . Ал, дінге берік адамдар Аллаға құлшылық еткеннен артық концентрация жоқ екенін алға тартады. Ол да керемет!