Тәуелсіздік жайында өлеңдер

Қазағым, көз сал байтақ жеріңе,
Талай нәубет жара салып өтпеді ме?
Төздің ғой, қасқайып та қарсыластың
Рухтанып Жер-Анадан тайталастың.
                                 ***
Әр қасық қан нұр болып қайтты еліңе,
Құрбан болған батырлар да ел есінде.
Байырғыда Керей менен Жәнібек хан
Қазақ үшін бостандық жолын ашқан.
                               ***
Ей Қара Жер, не бір сұмдық болмады сенің төсіңде ?
Шапқыншылық , аштықтар әлі де ел есінде.
Жасы сіңген жеріме аналардың жылаған
Бұл далада зиялы даналардан жан шыққан.
                                 ***
Тәуелсіздік жолында бабалар не көрмеді?
Өз жерінде өгей болып тентіреді.
Отаршылдық һәм езгіге бермеді бой,
Көз салғандар  кең жерге көп болды ғой.
                         
                                   ***
Тыныштықтың құны осы, сенесің бе?
Қазақстан – егемен ел, Евразия  жүрегінде
Төрткіл дүние таныған қазақ елі
Еділ мен Дунай арасы байтақ жері.

                                ***
Әлихан дербестікті мақсат еткен,
Елбасы бұл арманды ақ таң еткен.
Зиялылар армандаған азаттығын ,
Алаш жұрты, расында, азат бүгін.
                                 ***
Тәуелсіз болған тоқсан бірдің соңында,
Тұғырлы ел келді биыл отызға.
Тарихта із қалдырды үш он жылдық,
Еңселі де беделді елге айналдық.
                            ***
Биіктерге қарашы – ашық аспан,
Халқымыздың татулығы жарасқан.
Бірлігі бекем елдің қадамы нық.
Қазақстан, туыңды биікке тік!
                    
                               ***
Әлі алар асуың алда елім,
Бақытымның  бірі сен деп білемін.
Дербестігін құраған ар - намыстан,
Жасай бер, жаса тәуелсіз Қазақстан!