19 жастағы жігіт құрылыста жүріп қаза тапты

Әлеуметтік желілерде Алматыдағы құрылыс алаңында 19 жастағы жұмысшы қаза тапқаны туралы ақпарат пайда болды. Бұл ақпаратты қалалық полиция растады. 

Құрылыстағы өлім туралы "За комфортный город" Instagram-паблик авторлары айтты. Алматы полиция департаменті жігіттің өліміне қатысты қылмыстық кодекстің 156-бабы "еңбекті қорғау ережелерін бұзу" бойынша сотқа дейінгі тергеу басталғанын хабарлады. Сот-медициналық сараптама тағайындалды.

Айта кетейік, осыған дейін бұл құрылыста әуеде "ұшып" жүрген трактор пайда болған еді. Ол трактордың суреті де желіде наразылық тудырған.