«Спутник-V» вакцинасы қалай тез жасалды? - белгілі профессор жауап берді

Медицина ғылымдарының докторы, белгілі профессор Павел Дерябин ресейлік «Спутник-V» вакцинасының неге тез әзірленгенін түсіндіріп берді. Бұл туралы Bugin.kz платформасы хабарлайды.

«Шынымды айтсам, бір жыл бұрын пандемия басталған кезде, вакциналар бұдан да тезірек жасалады деп күткен едім. Себебі бүгінде ғалымдар бұрын-соңды болмаған, ең заманауи технологияларға ие. Мәселен, ресейлік «Спутник-V» векторлық вакцинасы алғашқылардың бірі болып тез жасалды деп айтады. Неліктен? Себебі бұл вакцина басқа вакциналарды жасауда қолданылған нәрселердің негізінде жасалған. Атап айтқанда, Эбола вирусына қарсы вакциналар. Бұл ауыр инфекция бізде де, Ресейде де таралған жоқ, инфекцияның тасымалдаушылары болған жоқ. Тиісінше, Эболаға қарсы вакцинаны жаппай өндіру, адамдарды жаппай вакциналау да қажет болмады. Сонымен, векторлық вакцина дегеніміз не? Бұл локомотивы мен қажетті жолаушылар тиелген вагондары бар паровоз секілді. Бұл паровоз баяғыда жасалған. Енді бұл локомотивке «S ақуызын» түзетін гендері бар жаңа вагон тіркелген. «S ақуызы» адам ағзасында пайда болғанда, оған қарсы антиденелер бөліне бастайды және иммундық реакция басталады. Осылайша, адам аталған вирустық инфекциядан қорғалады. Сондықтан вакциналар тез дайын болды», - деді профессор онлайн дәрісте.

Профессор вакцинаның ең бірінші сынақтан өткізілетінін және қазақстандық ғалымдар әзірлеген екпенің адамға зиян еместігін атап өтті.

 «Бүгінде коронавирусқа қарсы вакциналар әртүрлі технологиялар бойынша әзірленуде. Бірақ ешқандай вакцина тиісті сынақтардан өтпейінше қолдануға рұқсат берілмейді. Қазақстанда қолданылатын вакциналарға келсек, оларда теориялық тұрғыда адам ағзасына теріс әсер ету мүмкіндігі жоқ. Оның үстіне вакциналар қауіпсіздік үшін мұқият тексеріледі», - деді П. Дерябин.