"Қисапсыз ақша": әкімдіктер бюджеттен 100 миллиард теңге алған

Бұл туралы Bugin.kz платформасы хабарлайды.

Қазақстандық KASE биржасына 9 өңір әкімдігі облигациясын шығарды. Бұл ретте 100 миллиард теңге қарыздың тек 40,2 миллиарды Түркістан облысына тартылған. Өңір әкімдігі "Жұмыспен қамтудың 2020-2021 жылдарға арналған жол картасы" бағдарламасы, сондай-ақ басқа да мемлекеттік және үкіметтік бағдарламалар бойынша шығындарды жабу үшін наурыз және маусымда облигациялар орналастырған.

Бұл ретте республикалық бюджеттен нысаналы трансферттер де барлық әкімдікке бөлінеді. Мысалы, дәл осы Түркістан облысы бұл көрсеткіш бойынша көш бастап тұр. Биыл өңірге 221,7 миллиард бөлінген. Осыған қарамастан, өңір әкімдігі несие алған. Дегенмен соңғы жарты жыл ішінде өңір бюджетіндегі 2 миллиард теңге игерілмеген.