Қазақстанның Қытайдан алған қарыз көлемі белгілі болды

Қытайдан ірі қарыз алушы елдер тізімі анықталды. Бұл тізімде Қазақстан да бар. Әлемдегі 40 дамушы елдердің Қытайға қарызы Ішкі жалпы өнімнің 10 пайызынан асады. Бұл туралы Bugin.kz платформасы хабарлайды.

Қытайдан қарыз алушы елдер туралы AidData зертханасының есебінде айтылған. 

Барлық несиелер есепте екі санатқа бөлінеді: дамуға ресми көмек (ODA); қаржыландыру бағдарламалары (OOF) - ел мен ҚХР арасындағы ынтымақтастықты нығайтуға, Қытай үшін әскери немесе коммерциялық тиімді жобаларды көрсетуге бағытталған несиелер.
Қазақстаннан алынған несиелер ООФ ретінде жіктеледі.
Бұл тізімнің көшбасшысы - 125 миллиард доллар қарызы бар Ресей, одан кейін Венесуэла (85,5 миллиард доллар), Ангола (40,66 миллиард доллар), Бразилия мен Қазақстан (әрқайсысы 39 миллиард доллар).