«Вечерний Ургант» бағдарламасы енді Байқоңырдан эфирге шығады

"Вечерний Ургант" бағдарламасы Байқоңырдан эфирге шығады! Бұл туралы Bugin.kz платформасы хабарлайды.

Шоу командасы "Союз МС-19"кемесі ұшырылғанға дейін Байқоңыр аэродромына уақытша көшті. 5 қазанда тарихи ұшыру салтанаты өтеді: экипаж ғарыштағы алғашқы фильмді түсіру үшін ғарышқа ұшады. Экипаж құрамында: актриса Юлия Пересильд, режиссер Клим Шипенко және ғарышкер Антон Шкаплеров.

Шоуға арналған көшпелі студия далада ұшыру алаңына салынды. Иванның алғашқы қонақтары актер Дмитрий Дюжев, Ғарышкерлерді даярлау орталығының жетекшісі Максим Харламов, сондай-ақ рэпер L ' one болды.