Қалалардағы аптап ыстықтың күшеюі үлкен қауіп төндіруі мүмкін

Қаланың аптап ыстығының күшеюі ғалымдарды алаңдатуда. Себебі, Дүние жүзіндегі 13000-нан астам қалада жүргізілген зерттеу бойынша 1980 жылдардан бастап қала тұрғындары арасынан жылу мен ылғалдылықтың экстремалды үйлесіміне ұшырағандар саны үш есеге артқан. Бұл туралы Bugin.kz платформасы хабарлайды. 

Соңғы онжылдықтарда әлем халқының жартысынан көбі ауылдық жерлерден қалаларға көшті. Онда температура ауылдық жерлерге қарағанда сирек кездесетін өсімдіктер мен бетонның, асфальттың және ауа өткізбейтін беттердің әсерінен жоғары болуда. Қолайсыз, ыстық ауа райының салдарын анықтау үшін зерттеушілер ол туралы мәліметтерді қала халқының статистикамен салыстырды. Популяция туралы мәліметтерді Колумбияның Жер туралы ғылымдар жөніндегі халықаралық ақпараттық желі орталығы ішінара ұсынды. 

Талдау көрсеткендей, қала тұрғындары арасында денсаулыққа қауіпті температураға ұшыраған адам саны 1983 жылғы 40 миллиардтан 2016 жылы 119 миллиардқа дейін өст, яғни үш есе. 2016 жылға қарай 1,7 миллиард адам бірнеше күн бойы қолайсыз жағдайға түскен. 

Ең көп зардап шеккен қалалар, әдетте, төмен ендіктерде топтастырылған. Олар, Бангладеш мемлекетінің тез дамып келе жатқан астанасы Дакка қаласы болды. Халықтың тығыздығына байланысты ұқсас тенденцияларды көрсететін басқа ірі қалаларға Шанхай және Гуанчжоу (Қытай), Янгон (Мьянма), Бангкок (Таиланд), Дубай (БАӘ), Ханой (Вьетнам), Хартум (Судан) және Пәкістан, Үндістан және Араб түбегіндегі әртүрлі қалалар кіреді.   

Зерттеу кезеңі тек 2016 жылға дейін созылғандықтан, мәліметтер осы жазда әртүрлі елдердің, соның ішінде АҚШ-тың солтүстік-батысы мен Оңтүстік Канадаға соққан рекордтық жылу толқындарын қамтымады.