Түркістанның атауы өзгере ме?

Әлеуметтік желіде Түркістан облысының әкімі Өмірзақ Шөкеев «Түркістан қаласының атауын өзгерту туралы ұсынысын білдірді» деген ақпарат кеңінен таралып, көпшіліктің талқысына түсті. Бұл туралы Bugin.kz платформасы хабарлайды.
Аталмыш ақпаратқа байланысты облыс әкімдігінің баспасөз қызметі ресми түрде жауап беріп, бәрін жоққа шығарды.
«Ресми түрде бұл ақпараттың шындыққа жанаспайтынын мәлімдейміз! Көпе-көрнеу жалған ақпарат таратушыларға заң жүзінде қылмыстық жаза қаралғанын еске саламыз!», - деп жазды облыс әкімдігінің баспасөз қызметі әлеуметтік желідегі парақшасында.