Әлемде ең алғаш жасалған сайт табылды (фото)

Әлемде ең алғаш жасалған сайт табылды. Одан бері 30 жыл өтсе де сайт әлі жұмыс істеп тұр. Бұл туралы Bugin.kz платформасы хабарлайды.

Қазіргі веб-сайттар мен әлеуметтік желілердегі беттермен салыстырғанда, World Wide Web Project  минималистік тұрғыда көрінеді. Оның дизайны 30 жылдан бері ешқандай өзгеріске ұшырамаған.
World Wide Web Project бастапқыда CERN (Еуропалық ядролық зерттеулер ұйымы) ішкі қолдану үшін жасалған. Оның беттерінде 1989 жылы Тимоти Бернерс-Ли жасаған WWW жобасы туралы ақпарат алуға болады.
World Wide Web жобасы әлі де қол жетімді. Сілтеме бойынша сіз World Wide Web туралы мәтінді көре аласыз. 
- WorldWideWeb (W3) - бұл кең ауқымды құжаттарға әмбебап қол жеткізуді көздейтін гипермедианы табудың жаһандық бастамасы - делінген сайттың жоғарғы жағында.

Дәл осы жоба біз білетін бүкіләлемдік ғаламтордың негізін қалады. 1991 жылы веб -сайт ашылғаннан бері Интернет ұзақ жолды басып өтті. New York Post хабарлағандай, қазір әлемде 1,2 миллиардтан 1,7 миллиардқа дейін сайттар бар. Белсенді интернет қолданушыларының саны 2021 жылдың қаңтарындағы есеп бойынша 4,66 миллиардқа жетті.