ҰҚШҰ Тәжікстан аумағына кірген содырлар колоннасын талқандады

Одақтың шұғыл әрекет ету күштері әскери оқу-жаттығу барысында Тәжікстан аумағына кірген содырлар колоннасын талқандады, - деп хабарлайды Bugin.kz порталы Хабар24 арнасына сілтеме жасап.

Ұжымдық қауіпсіздік келісім-шарт ұйымына мүше елдер (Қазақстан, Ресей, Армения, Беларусь, Қырғызстан және Тәжікстан) 4 мың сарбаз бен 500-ден аса техника қатысуымен тәжік-ауған шекарасында осындай әскери-оқу жаттығу өткізді.

РФ Қорғаныс министрлігі орталық әскери округі күштері қолбасшысының орынбасары Евгений Поплавскийдің айтуынша, «Талибан» Ауғанстанда жеке билік орнатуға тырысып, ел аумағындағы «Ирак және Левант» лаңкестік ұйымын жоюға күш салады. Тәліптер өзіне бағынбаған қарулы топтарды Тәжікстан аумағына немесе Түркіменстан жеріне ығыстырып шығаруы мүмкін.