Өзбекстанда 170 мыңнан астам жасөспірім вакцина салдырды

Бір ай ішінде Өзбекстанда 12 мен 18 жас аралығындағы 170 мыңнан астам жасөспірімге коронавирусқа қарсы екпе салынды, - деп хабарлайды Bugin.kz порталы.

Өзбекстан Республикасы Денсаулық сақтау министрлігінің мәліметінше, бүгінге дейін 12 мен 18 жас аралығындағы 176 791 жасөспірім коронавирусқа қарсы екпе алған. Балалар ата-аналарының және қамқоршыларының келісімімен республиканың кез келген егу пункттерінде егуге болады. Оларға немістің Pfizer / BioNTech вакцинасы қолданылады.

Естеріңізге сала кетейік, Өзбекстанда балаларды ерікті түрде егу процесі 28 қыркүйекте басталған болатын.