Қазақстанда жаңа көліктердің бағасы көтерілді

Қазақстанда жаңа жеңіл көліктердің бағасы көтерілді. Индустрия және инфрақұрылымдық даму министрлігі бағаның көтерілуінің негізгі себептерін атады. Бұл туралы Bugin.kz  платформасы хабарлайды. 

Индустрия және инфрақұрылымдық даму министрлігінің хабарлауынша, 2021 жылдың 9 айында Қазақстанда өткен жылмен салыстырғанда жаңа көліктердің бағасы 8,3 пайызға, ал пайдаланылған автомобильдер бойынша – 9,8 пайызға өскен. 

Бұл ретте инфляция 8,9 пайызды құрады. Басқарма бағаның көтерілуінің негізгі себептерін атады:

- зауыттардағы тапшылық - бүкіл әлем бойынша автомобильдер шығаруға арналған бөлшектерді өндірушілер;
- жеткізушілерді - көлік құралдарына арналған құрамдастарды өндірушілерді ауыстыру;
- логистикалық қызмет құнының өсуі;
- елдердің аумақтарындағы шекаралық шектеулер;
- жеткізу тізбегіндегі мәселелер;
- автомобиль өнеркәсібінде қолданылатын негізгі металдарға (мыс – 48 пайызға, алюминий – 61 пайызға, қорғасын – 37 пайызға және жалпақ бұйымдар – 65 пайызға) бағаның өсуі;
- жаһандық өндірушілердің құрамдас бөліктерінің құнының өзгеруі, металл, қосалқы бөлшектер мен электроника және т.б.
Сонымен қатар, автокөлік бағасының өзгеруі жаңа үлгінің шығуына, инфляция деңгейіне, еңбекақыны индексациялауға да байланысты.

Индустрия және инфрақұрылымдық даму министрлігі қазір автомобильдер мен бөлшектерді жеткізуде қиын жағдай бар екенін, бұл уақытта автокөліктерге сұраныс артып келетіндігін айтты. Пандемия кезінде зауыттар карантинде болды, бұл жеткізілімдердің кешігуіне және Қазақстанға автомобильдер мен жинақтаушы бөлшектерді жеткізуге арналған квотаның қысқаруына әкелді.

- Дилерлер мен өндірушілер әлі де Қытай арқылы өтетін бөлшектер мен көліктерді жеткізу туралы шешімді күтуде. Жүк жөнелту кезегі бірнеше айға созылды. Сонымен қатар, әлемдік нарықта электронды компоненттердің тапшылығы сұраныс пен ұсыныс арасындағы алшақтықты арттыруда. Күту мерзімі 3 айға дейін созылуда - деді Индустрия және инфрақұрылымдық даму министрлігі.

Сонымен қатар, ведомство жаңа көліктердің тапшылығы мәселесі тек Қазақстанда ғана емес екенін айтты. Екі негізгі мәселе: логистикалық мерзімнің артуы және әлемдік нарықта электронды компоненттердің тапшылығы.

- Жартылай өткізгіштердің тапшылығы пандемия кезінде смартфондарға, ноутбуктерге, үстел компьютерлеріне, смарт теледидарларға, автомобильдерге және интернетке қосылған құрылғыларға сұраныстың арта бастағанымен түсіндіріледі. Әрбір мұндай гаджет оның миы болып табылатын чипте жұмыс істейді. Өндірушілер бұл өскен сұранысты қанағаттандыра алмайды - деді министрлік.

Министрлік мәліметтері бойынша Қазақстанға автомобильдер Жапония, АҚШ, Корея, Түркия, Қытай, Өзбекстан, Ресей және басқа елдерден әкелінеді. 2021 жылдың 9 айының қорытындысы бойынша отандық автокөліктердің үлесі шамамен 63 пайызды, тиісінше импорттық көліктердің үлесі 37 пайызды құрады. 2021 жылдың 8 айының қорытындысы бойынша Ресейдің жаңа жеңіл көліктер импортындағы үлесі 39 пайызды құрады.