Шымкентте Рысқұлов көшесі ашылды

Рысқұлов және Қонаев даңғылы қиылысындағы жолайрықтың Қонаев даңғылы бойынша жүріс бөлігі пайдалануға берілді.

Бұл туралы Bugin.kz платформасы хабарлайды. 

Қазіргі уақытта Рысқұлов көшесін ашудағы соңғы жұмыстар атқарылуда. Бұл туралы қалалық жолаушылар көлігі және автомобиль жолдары басқармасы хабарлады.

Жыл өткен сайын Шымкенттегі қалаішілік жолдарда көлік кептелісі көбейіп келеді. Әсіресе, орталық көшелерде иін тірескен автокөліктер тығынын жиі көруге болады. 

Атап айтқанда,   Т. Рысқұлов және Д. Қонаев көшелері қаланың бір шеті мен екінші шетін жалғайтын  ұзын көшелер. Содан болар, мұнда көліктердің кептелісінен туындайтын мәселелер аз емес.      
                                                       
Осы ыңғайсыздықты шешу мақсатында, қала әкімдігі Д.Қонаев-Т.Рысқұлов пен Бәйдібек би-Арғынбеков көшелерінің қиылысында жолайрық құрылысын салуды  жоспарлаған болатын.

2019 жылы Рысқұлов (Қонаев қиылысы) көшелерінің көліктерді өткізгіштігі   27775 авто/тәулік болса, жол құрылысы аяқталғаннан кейін 65820 авто/тәулік өткізу мүмкіншілігіне жоғарылайды. Аталған жолайрықтар пайдалануға берілгеннен кейін көлік тығыны едәуір азаятын болады.