Шетел валютасын пайдалануға тыйым салынды

«Талибанның» билік өкілдері Ауғанстанның экономикалық айналымында шетел валютасын пайдалануға тыйым салды, - деп мәлімдеді қозғалыстың өкілі Забихулла Муджахид. 

«Елдегі экономикалық жағдай мен ұлттық мүдделер барлық ауғандықтардың кез келген транзакцияда тек ауған валютасын (Ауғанстанның ақша бірлігін - ред.) пайдалануын талап етеді. Ислам Әмірлігі барлық азаматтарға, дүкен иелеріне, бизнесмендерге шетел валютасын пайдаланудан бас тартуды тапсырады», – делінген Талибан өкілінің Twitter-де таратқан мәлімдемесінде.

Естеріңізге сала кетейік, «Талибан» қозғалысы террорлық деп танылған және Қазақстанда тыйым салынған.