Bugin
48 келіге дейінгі салмақта сынға түскен Теміртас Жүсіпов әлем чемпионатының жартылай финалына шықты. Турнир Белградта (Сербия) өтуде. Бұл туралы Bugin.kz платформасы хабарлайды.
Ширек финалдық кездесуде қазақстандық боксшы екі дүркін Азия чемпионы (2019, 2021) Өзбекстан өкілі Нодиржон Мирзаахмедовпен кездесті.
Үш раундтың қорытындысы бойынша төрешілердің бірауыздан қабылдаған шешімімен Жүсіпов 5:0 есебімен жеңіске жетті. Ол Қазақстан құрамасынан бірінші болып жартылай финалға шықты, бұл оған әлем чемпионатының жүлдесіне кепілдік береді.
Теміртас Жүсіпов – ҚР Қорғаныс министрлігі Орталық спорт клубының спортшы-нұсқаушысы.
Нұрила Жұмаділлә
Қосымшаны жүктеп алыңыз
