Елімізде ақылы жолдар саны артты

1 қарашадан бастап Қазақстанда автокөлік жолдарының жеті учаскесі ақылы болады, - деп хабарлайды Bugin.kz порталы.

Олар:

• Нұр-Султан – Павлодар,

• Шымкент – Өзбекстан шекарасы (Ташкентке қарай),

• Щучье – Көкшетау,

• Қапшағай –  Талдықорған,

• Шымкент – Тараз,

• Тараз –  Қайнар,

• Шымкент – Қызылорда.

Бұл учаскелердің тарифі қазіргі ақылы жолдардың бағасымен бірдей болады. Жолақы құны автокөлік түрі мен бағдар ұзақтығына байланысты.

Мысалы: Нұр-Сұлтан-Павлодар тас жолымен жүретін жеңіл автокөліктер 380 теңге төлесе, автобустар үшін жол ақы 1 870 теңгеден 5 610 теңгеге дейін. Ал жүк көліктері үшін 1 870 теңгеден 9 380 теңгеге дейінгі аралықта болады.

Жол ақысын интернет-банкинг, төлем терминалдары, сондай-ақ SMS арқылы төлеуге болады.