Алматыда НЗМ үздік түлегінің өлі денесі табылды

Алматыда Назарбаев Зияткерлік мектебінің талантты түлегі Ақназар Қажымұрат қаза тапты, деп хабарлайды Bugin.kz порталы Алматы қаласы ПД баспасөз қызметіне сілтеме жасап.

«Бүгін Бостандық ауданының аумағында криминалдық полиция бөлімінің қызметкерлері жас жігіттің денесін тапты. Зорлық-зомбылықпен өлімнің белгілері табылған жоқ. Сот-медициналық сараптама тағайындалды. Оқиғаның мән-жайы анықталып жатыр», - деп хабарлады Алматы қаласы ПД баспасөз қызметі.

2018 жылы Ақназар Қажымұрат НЗМ-нің 12-сыныбында оқып жүріп, ACT және SAT Subject Tests халықаралық емтихандарында ең жоғары 36-дан 36 балл және 2400-ден 2400 балл жинап, рекорд орнатқан еді. Содан кейін ол оқуын жалғастыру үшін әлемдегі кез-келген университетті таңдау құқығына ие болған. Ол Гарвард университетінің грантын алды.