Елімізде бензин, дизель отынын шетелге тасымалдауға тыйым салынды

Елімізде автокөлікпен бензин және дизель отынын экспорттауға тағы алты айға тыйым салынды, - деп хабарлайды Bugin.kz порталы.

Бұл туралы энергетика министрі, ҰҚК төрағасының, қаржы министрінің және Қазақстан ішкі істер министрінің «Әділет» нормативтік құқықтық актілерінің ақпараттық-құқықтық жүйесінде жарияланған бірлескен бұйрығында айтылған.

«Көлік құралдарын дайындаушы зауыт көздеген бензин бактарындағы, сондай-ақ көлемі 20 литрден аспайтын жекелеген ыдыстарда елден шығаруды, жанар-жағармай майларын қоспағанда, бензинді, дизель отынын және мұнай өнімдерінің жекелеген түрлерін Қазақстан Республикасы аумағынан автомобиль көлігімен әкетуге алты ай мерзімге тыйым салу енгізілсін», - делінген бұйрықта.