20 градус аяз: Алдағы үш күнге арналған ауа райы болжамы

Қазгидромет алдағы үш күнге арналған ауа райы болжамын жариялады, - деп хабарлайды Bugin.kz порталы.

«Антлантикалық циклонмен және атмосфералық фронттардың өтуімен байланысты құбылмалы ауа райы қалыптасады: 

Қазақстанның басым бөлігінде — жауын-шашын (жаңбыр, қар), солтүстік өңірлерде қар түрінде тұман, көктайғақ, сондай-ақ бұрқасын болжанады. 17-18 қарашада оңтүстік, оңтүстік-шығыс өңірлерінде қатты жауын-шашын күтіледі. 18 қарашада суық солтүстік-батыс антициклонның енуімен, республиканың батысында жауын-шашын тоқтайды.

Ауа температурасының солтүстік-батыста түнде 12...17 аязға, күндіз 7...12 аязға дейін, солтүстікте, орталықта түнде 13...20-ға дейін, күндіз 5...15-ке дейін аяз, шығыста түнде 6...18-ге дейін, күндіз 1...10-ға дейін аяз, оңтүстік өңірлерде түнде 5...13-ке дейін аяз, күндіз 5 аяз–5-ке дейін жылу» - делінген хабарламада.