Күнбағыс майы бір жыл ішінде 56%-ға қымбаттады

Energyprom.kz сарапшыларының мәліметінше, ағымдағы жылдың қазан айында Қазақстанның дүкендері мен базарларында күнбағыс майының литрін 767 теңгеге сатып алуға болады, бұл өткен жылмен салыстырғанда 56,2 пайызға қымбат. Бір айда баға 0,3%-ға, жыл басынан бері 29,9%-ға өскен. Бұл туралы Bugin.kz платформасы хабарлайды.

Ірі қалалар арасында күнбағыс майының бір литрі Атырауда ең қымбат болды – 836 теңге, ең арзаны – Петропавлда, күнбағыс майын 664 теңгеге сатып алуға болады.

Айта кетейік, пандемия басталғалы елімізде көптеген негізгі азық-түлік тауарлары қымбаттады.