Министрдің уәдесі: «Бір тонна көмірдің ең қымбаты 5700 теңге болады»

ҚР Индустрия және инфрақұрылымдық даму министрі Бейбіт Атамқұлов өңірлерде көмірдің тоннасы 5200-5700 теңгеден сатылатынын айтты, - деп хабарлайды Bugin.kz порталы Orda.kz сайтына сілтеме жасап.

Сенат отырысында министр Атамқұлов көмір бағасының өсуін тежеу ​​шаралары жүргізіліп жатқанын нақтылады.

«Ірі тауар өндірушілер олармен меморандум жасады. Біз Қаражыра, Богатырь, Шұбаркөл кен орындарымен нақты бағаны келістік. Бағасы 5200 теңгеден бастап, ең қымбаты – тоннасына 5700 теңге болады» - деп уәде берді министр.

Министрдің айтуынша, ағымдағы жылыту маусымында өңірлердің көмірге деген сұранысы 9,3 млн тоннаны құраған.