Желтоқсан көтерілісінің құрбаны Сәбира Мұхамеджанова 35 жылдан соң ақталды

Желтоқсан көтерілісінің құрбаны,  небәрі 16 жасында қыршы­ны­нан қиылған қазақтың батыр қызы Сәбира Мұхамеджанова 35 жылдан соң жазықсыз деп танылды. Бұл туралы Bugin.kz порталы ҚазАқпаратқа сілтеме жасап хабарлайды.

Шығыс Қазақстан облыстық «JELTOQSAN-86» қоғамдық бірлестігінің төрағасы Марат Рамазановтың сөзінше, қаһарман қыз Сәбира Мұхамеджанованың ақталғаны туралы ресми құжат келді.

Сондай-ақ Сәбира Мұхамеджановамен бір топта оқыған 28 қыз бен курстас 8 жігіт те ақталып отыр.