Bugin
Солтүстік Қазақстан облысындағы Айыртау, Ақжар, Жамбыл, Тимирязев және Уәлиханов аудандарындағы 17 су қоймасын жалға беруге байқау жарияланды. Бұл туралы Bugin.kz платформасы хабарлайды.
Су қоймаларын пайдалану мерзімі – 49 жыл.
- «Балық шаруашылығы өнімдерінің өзіндік құнын төмендету және бәсекеге қабілеттілігін арттыру мақсатында балық шаруашылығын субсидиялау мәселесі пысықталды. Осылайша, балық өсіру және биологиялық негіздемелерді дамытуға, балық тұқымының материалын, дәрі-дәрмек сатып алуға, бағалы балық түрлерінің аналық басын сатып алуға және ұстауға жұмсалған шығындардың 50 пайызы өтеледі. Сондай-ақ, бекіре, албырт, тұқы, табан балық және басқа да балық түрлерін өсіруге пайдаланылатын жем сатып алудың 30 пайызы өтеледі», - деді Солтүстік Қазақстан облысы бойынша балық инспекциясы басқармасынан.
Ағымдағы жылдың сәуір айынан бастап Қазақстанда балық шаруашылығын дамыту бағдарламасы жүзеге асырылып жатқаны және оны жүзеге асыру үшін мемлекеттік органдар су қоймаларын электронды түрде бекіту бойынша конкурстар өткізетіні атап өтілді.
Нұрила Жұмаділлә
Қосымшаны жүктеп алыңыз
