Күдіктінің жұмбақ өлімі: «Бірде-бір сау жері жоқ»

Желтоқсанның 8-і күні кешке Шымкент қалалық ІІБ кеңселерінің бірінде полицейлер 31 жастағы Нұрболат Жұмабаевты өлгенше сабаған. Бұл туралы Bugin.kz порталы Azattyq.org сайтына сілтеме жасап хабарлайды. 

Барлық үкіметшіл БАҚ «полицияның ресми хабарламаларына» негізделген пресс-релизінде табиғи себептерден болған өлімге баса назар аударады: «Ер адам жауап алу кезінде өзін нашар сезініп, көп ұзамай қайтыс болды. Оған шұғыл түрде жедел жәрдем шақырылды, бірақ ол дәрігерлер келгенше қайтыс болды». Бірақ тәртіп сақшыларының қандай дөрекі әдістер қолданатыны ешкімге құпия емес.

Оның бұрын ұрлық жасағаны үшін жазасын өтеп келгені белгілі, бірақ бір жыл бұрын реформа жолына нық қадам басқан тұлға ретінде шартты түрде мерзімінен бұрын босатылған. Бостандыққа шыққан соң Қостанайға оралды, жұмыс істеді, үйленбекші болды. Оның сүйіктісі Шымкентте тұратын, онымен кездесу үшін Шымкентке барған.

Полиция бөлімшесінде жұмбақ жағдайда қайтыс болған ұлының өліміне марқұмның әкесі сенбейді. Ұлын ұрып-соғып өлтірді деп отыр. Жас жігіт 8 желтоқсанда ұрлық жасады деген күдікті ретінде ұсталды. Ол бірнеше сағаттан кейін қайтыс болды. Шымкент қалалық ІІБ жігіттің «жүрек талмасынан» қайтыс болғанын хабарлады. Туыстары сенбейді, марқұмның денесінде «бірде-бір сау жер жоқ» дейді.