5 сынып оқушысы өртеніп жатқан үйден төрт кішкентай баланы алып шыққан

Қостанайда 5-сынып оқушысы өртеніп жатқан үйден төрт баланы аман есен алып шықты. Бұл туралы Bugin.kz порталы хабарлайды. 

Бала көшеде ойнап жүріп, жақын маңдағы үйден түтін шыққанын көреді. Қостанай қаласындағы №22 мектептің 5-сынып оқушысы Олег Пирог өртеніп жатқан саяжайдан төрт баланы аман есен алып шыққан.

Т түскі екілер шамасында «Бағбан» саяжай ұжымшарында үй өртене бастаған. Онда төрт бала болған, үлкені 8 жаста, кішісі 2 жаста. Үлкендер үйде болмаған.

Сол кезде көшеде ойнап жүрген 5-сынып оқушысы Олег Пирог көрші саяжайдан қою түтін шығып жатқанын көреді. Бала оның ішінде кішкентай балалары бар отбасы тұратынын білген.

- «Ол өрт сөндірушілердің келуін күтпестен, түтін шыққан үй-жайға терезе арқылы кіріп, өз өмірін қатерге тігіп, төрт баланы бірінен соң бірі көшеге алып шыққан», - деп хабарлады облыстың ТЖД.

Өрт сөндірушілер келген кезде үйде басқа ешкім жоқ, барлығы жалынға оранған.

Құтқарылған балалар ата-анасы келгенге дейін көршілерінің қасында болған. Оларға медициналық көмек қажет болмады.